Martxoaren 23tik 27ra, DBHko ikasleek bi bidaia hezitzaile egingo dituzte Eskola Aktiboa programaren barruan, ikaskuntza, elkarbizitza eta kultura ezagutzea uztartuz.
Alde batetik, DBH 2. mailako ikasleak Toledora bidaiatuko dute. Hiri historikoa ezagutzeaz gain, Consuegra, Almagro eta Las Tablas de Daimiel ere bisitatuko dituzte, Gaztela-Mantxako historiaren, naturaren eta kulturaren inguruan gehiago ikasteko. Itzulerako bidean, Madrilgo Warner Parkean geldialdia egingo dute, hainbat eguneko bisiten ondoren aisialdiko jardunaldi batez gozatzeko.
Bestetik, DBH 4. mailako ikasleek Europako hainbat hiri bisitatuko dituzte. Bidaian zehar Parisko UNESCOren egoitza ezagutuko dute, baita Belgikako Brujas eta Gante hiriak ere. Bruselan, berriz, hiriaren leku esanguratsuenak ikusiko dituzte, besteak beste Europako Parlamentua eta Grand Place edo Plaza Nagusia. Azken egunean Futuroscope parke tematikoa bisitatuko dute, bidaiari amaiera berezia emateko.
Zalantzarik gabe, aste berezia eta aberasgarria izango da ikasleentzat, ikasteko, elkarrekin bizitzeko eta esperientzia berriak bizitzeko aukera paregabea eskainiko baitie.
